ARA: X'inhu jiġri wara l‑vandaliżmu f'Međugorje...

Ġurnata ta' Niket f'Međugorje

Illum bosta kienu dawk li għaddew kummenti ta' niket u qtiegħ il-qalb hekk kif fuq is-social media iċċirkolaw bosta ritratti u filmati tal-istatwa ta' Marija imvandalizzata u filmat ta' individwu qed iqabbad il-presbiterju ġewwa Međugorje.

It-Tajjeb akbar mil-ħażin

Bosta qed jistgħaġbu iżda b'kemm nies qed jagħtu daqqa t'id biex dan il-post ta' pellegrinaġġ jerġa' lura għan-normal. Ħafna qed jgħinu fir-restawr mill-ġdid tal-knisja wara d-deżakrazzjoni kif jidher f'dan il-filmat:

Dan il-weekend, ukoll ġewwa Međugorje għandu jsir l-International World Youth Day fejn madwar 300,000 żgħażugħ u żgħażugħa minn madwar id-dinja kollha huma mistennija jattendu. Din il-Youth Day hija rinomata għal kjus ma jispiċċaw qatt ta' qrar, li jissorprendu lil kull min jarahom. Huwa previst li din is-sena se jkun hemm attendenza akbar mis-snin passati hekk kif dawn l-atti deżakratorji qed iħeġġu lil bosta iżjed fil-fidi.

Kemm qal tajjeb l-Evanġelista Ġwanni meta kiteb:

"Id-dawl jiddi fid-dlam, u d-dlam ma għelbux."
(Ġwanni 1:5)

Talba ta' Riparazzjoni

Inħeġġuk titlob din it-talba bħala riparazzjoni għal dak li ġara:

Ikun imbierek Alla.

Imbierek l-Isem Imqaddes tiegħu.

Imbierek Ġesú Kristu, veru Alla u veru bniedem.

Imbierek l-Isem ta’ Ġesú .

Imbierka l-Qalb Imqaddsa tiegħu.

Imbierek id-Demm għażiż tiegħu.

Imbierek Ġesú fis-Santissmu Sagrament ta’ l-artal.

Imbierek l-Ispirtu s-Santu Paraklitu.

Imbierka l-kbira Omm Alla, Marija Santissma.

Imbierka l-Imqaddsa u Immakulta Kunċizzjoni tagħha.

Imbierek it-Tlugħ glorjuż tagħha fis-sema.

Imbierek l-Isem ta’ Marija, Verġni u Omm.

Imbierek San Ġużepp, għarus kastissmu tagħha.

Imbierek Alla fl-anġli u l-qaddisin kollha tiegħu.