Iċċelebrata l‑Festa ta’ San Kalċidonju fil‑Kurja

Fil-festa ta’ San Kalċidonju, l-impjegati tal-Kurja tal-Arċisqof inġabru għal quddiesa mmexxija mill-Isqof Awżiljarju Joseph Galea-Curmi u konċelebrata minn għadd ta' saċerdoti oħra li jaħdmu l-Kurja.

Ian Noel Pace

Waqt il-quddiesa, l-Isqof fakkar li San Kalċidonju, li ta ħajtu bħala martri, jurina l-valur tal-fidi u l-qawwa tal-grazzja ta’ Alla li tagħtina l-kuraġġ biex nibqgħu sodi. Fakkar ukoll li aħna msejħin nagħtu xhieda għal Ġesù fl-għażliet tal-ħajja ta' kuljum u fl-okkażjonijiet ordinarji, u li l-istess Ġesù li għalih San Kalċidonju ta ħajtu jibqa' preżenti fl-Ewkaristija.

Wara l-quddiesa, l-impjegati kellhom l-opportunità jsiru jafu aktar dwar il-pittura ta’ San Ġwann il-Battista u San Pawl, li dan l-aħħar ġiet restawrata minn Amy Sciberras u t-tim tagħha, u li tqiegħdet lura f'postha fil-kappella ftit tal-jiem ilu.

Ian Noel Pace